Смеата навистина е најдобриот лек, затоа од 1998 година првата недела од месец мај се прославува како Светски ден на смеата!
Кои се придобивките од смеењето?
Смеата го намалува нивото на стрес хормоните како кортизол, епинефрин (адреналин), допамин. Исто така, го зголемува нивото на хормоните кои се одговорни за подобрување на здравјето, како што се ендорфините. Смеата го зголемува бројот на клетки кои произведуваат антитела и ја подобрува ефективноста на Т-клетките. Сето ова значи посилен имунолошки систем, како и помалку последици од стресот.
Смеата обезбедува физичко и емотивно ослободување. Дали некогаш сте почувствувале телесно ослободување после смеа или плачење?
Тренинг за стомачни. Влијае на дијафрагмата, стомачните мускули, па дури и на рамената, правејќи ги мускулите порелаксирани.
Го менува расположението. Смеата го насочува фокусот подалеку од лутината, вината, стресот и негативните емоции.
Перспектива. Студиите покажуваат дека нашиот одговор на стресни настани може да се измени со тоа дали гледаме нешто како закана или предизвик. Хуморот може да ни даде поблагородна перспектива и да ни помогне да ги гледаме настаните како предизвици, со што ќе ги направиме помалку загрозувачки и попозитивни.
Социјални придобивки. Смеата не поврзува со луѓето. Смеата е заразна. Значи, ако имате повеќе смеа во вашиот живот, најверојатно може да им помогнете на другите околу вас да се смеат повеќе и да ги почувствуваат овие придобивки.
Со зголемување на расположението на оние околу вас, можете да ги намалите нивоата на стрес и можеби да го подобрите квалитетот на социјалната интеракција што ја доживувате со нив, со што уште повеќе ќе го намалите нивото на стрес!
