Светскиот ден на сидата се одбележува на 1. декември секоја година уште од 1988. година, под покровителство на Светската здравствена организација (СЗО). Целта е да се подигне свеста на јавноста и да се истакнат досегашните достигнувања и превенции на заразата, како и достапноста на терапијата.
Здружението на луѓето што живеат со ХИВ – ЗАЕДНО ПОСИЛНИ Скопје, за денешниот ден подготви неколку настани. Во рамки на кампањата „Вирусите не дискриминираат, луѓето да!“, го одбележуваат Светскиот ден на сидата, во Кинотека на Република Македонија.
Ова е нивната програма за денешниот ден:
- 19:00 – 19:30 Откривање на мурал на Кинотека Македонија
- 19:30 – 21:00 Проекција на филм
- 21:00 – 00:00 Коктел – добротворен настан и промоција на календар 2022 година
„Со оваа кампања имаме за цел да ја потенцираме нашата загриженост за стигмата и дискриминацијата врз која се изложени луѓето кои живеат со ХИВ и да делуваме фокусирано на нејзиното сузбивање“, велат од Заедно посилни.
