Покрај целата медиска прашина, светлата на фотоапаратите кои ги пратат од раѓање, папараците кои им го пресекуваат патот до училиште, наводниот алкохолизмот на татко им и анорексијата на мајка им, децата на Бред Пит и Анџелина Џоли се сосема обични деца. Без дизајнирани облеки, прескапи гаџети, експонирање на социјалните мрежи во потполност се разликуваат од другите деца на познатите холивудски фаци.
И што и да мислите за Анџелина, Бред и целиот циркуз околу нивниот брак, а подоцна и разводот, тие се заслужни што нивните деца се дури и премногу нормални за американските стереотипи за разгаленоста на децата на холивудските ѕвезди.
Нокс многу личи на својата мајка, а Шајло е слика и прилика на својот татко.
Инаку, денес на 4. декември сите деца Пакс, Захара, Шајло, Вивиен и Нокс би требало да се појават на суд по повод доделувањето на старателство. Бред и Анџелина треба да потпишат спогодба со која ќе ја завршат двогодишната битка за децата после разводот.
