Кратката објава на една Австралијанка на Фејсбук „Тие мали траги во брашното“ била доволна за да се започне расправа во врска со тоа дали знаеме што јадеме воопшто и колку често ги проверуваме прашкастите намирници.
Имено, трагите видливи на фотографиите се траги од ларви. Станува збор за инсекти кои можете да ги видите во дворовите и складиштата, но неретко остануваат и во домовите во текот на зимата, во храната како ориз и брашно, каде што живеат и се размножуваат.
Како да се ослободите од нив?
Намирниците чувајте ги во стаклени, метални или пластични садови, а ако веќе се размножиле, тогаш најпаметно е да ја фрлите заразената храна.
