Дубаи поради својот модерен и футуристички стил изгледа како измислен град од некој научно-фантастичен филм.
Дубаи често го опишуваат како град кој успешно ја комбинира традицијата и модерниот стил, град на раскошот и златото кој никна сред пустината, а кој привлекува туристи од целиот свет со своите светла, раскош и златни песочни плажи.
“Луѓето често ми зборуваат дека Дубаи ги потсеќа на Blade Runner, а посебно за време на ноќта, кога можат да направат фотографии кои изгледаат како да не се од овој свет”, вели фотографот Алберт Дрос, кој ги направил фотографиите за време на посетата на Дубаи.
Многумина го нарекуваат Дубаи “рајот на земјата”, идеален за шопинг, а денес е дестинација на голем број туристи од врвовите на светската елита.
Иако градот настанал од производство на нафта, таа сега учествува со само 4% од вкупниот национален доход, кој изнесува преку 45 милијарди долари.
