Езерото во близина на Лас Колорадас на полуостровот Јукатан воодушевува со својата убавина и необичната боја.
Имено, езерото има специфична розова боја, а такво е веќе стотици години. Туристите секојдневно доаѓаат да ја видат оваа необична појава, а покрај тоа се надеваат дека ќе можат и да се искапат во него.
Но, набрзо се разочаруваат кога ќе сфатат дека сепак не е дозволено капење во розовото езеро, поради преголемата количина на сол.
Научниците претпоставуваат дека необичната појава е резултат на големата концентрација на различни видови на бактерии и алги, како и ниската концентрација на нутриенти.
