Велигден е голем христијански празник кој наскоро ќе го слават верниците. Овие ѓевреци совршено се вклопуваат и ја збогатуваат велигденската трпеза, а нивната подготовка не е воопшто тешка.
Потребни состојки:
- 200 мл. млеко
- 20 гр. квасец
- 500 гр. брашно
- 1 лажица сол
- 1 лажица шеќер
За премачкување:
- 2 лажици мед
- 100 мл. млака вода
- 200 гр. сусам
Начин на подготовка:
1. Разматете го квасецот во млака вода со шеќер и 1 лажичка брашно и оставете да надојде. Кога квасецот ќе надојде замесете меко тесто со брашно, сол и квасецот.
2. Премачкајте го тестото со масло за готвење и оставете го да се одмори и да се дуплира.
3. Во чинија разматете мед со малку млака вода. Надојденото тесто премесете го, па поделете го на 8 еднакви делови.
4. Секој дел развлечете го во долга трака. Добиената трака превиткајте ја на половина и уплетете ги краевите.
5. Потоа убаво спојте ги со рацете, да се добие форма на ѓеврек.
6. На кратко ставете го секој ѓѓѓеврек во течноста од мед и вода, па посипете пржен сусам. Редете во плех обложен со хартија за готвење.
7. Оставете уште малку да отстојат додека рерната не се загрее. Печете на 200 степени 15-20 минути.
Пријатен апетит!
