Инстаграм воведува нова опција која би можела да го промени начинот на кој апликацијата функционира. Следејќи го примерот на Снепчет, Инстаграм воведе “stories”, објавија од компанијата на својот блог.
Инстаграм “stories” ќе исчезнуваат за 24 часа, а од компанијата напоменуваат дека корисниците веќе нема да мора да го споделуваат само тоа што сакаат да им остане на профилот.
“Инстаграм беше место за споделување моменти кои не сакате да ги заборавите. Но, сега ќе можете да споделувате се што се случува во моментов” – заклучија од компанијата.
Корисниците сметаат дека на овој начин, апликацијата ќе ја изгуби автентичноста.
Како сето тоа ќе влијае на судбината на оваа социјална мрежа, ќе дознаеме за неколку недели, кога се планира да се воведат промените.
