Остануваат уште само неколку дена до евровизиското претставување на нашата Јана Бурческа во Киев кое ќе се случи во четврток (11.05) на втората полуфинална вечер.
Македонската делегација веќе е таму и ги привршува финалните подготовки, а градот целосно дише во евровизиски дух. Деновиве веќе се случи и официјалното отворање на големиот музички настан, а на црвениот килим зачекори и нашата делегација на чело со Јана.
По тој повод таа се појави во раскошно и елегантно издание од зелена тоалета со длабоко деколте и висок шлиц, кои го нагласија сексапилот на нашата претставничка. Креацијата е дело на дизајнерката Антонија Ристовска која исто така го изработи и сценскиот костим на Јана. Еве како изгледаше тоа на црвениот килим:
Извор : Вистина.мк
