Можете да биде обична жена, а можете да бидете и дама која држи до себе и секогаш го добива она што го сака. Секоја етапа од вашиот живот е нова можност за докажување, па затоа добро осмислете ги своите цели и храбро тргнете во поход.
Маргарет Тачер во една прилика рекла: Да се има моќ, е исто како да се биде дама. Ако морате да им кажувате на луѓето дека сте, тогаш не сте.
Затоа секогаш трудете вашите постапки да говорат за вашата личност и вашиот став, наместо да им објаснувате на луѓето кои сте.
Не пренесувајте муабети – трачарењето е забавно, но нема да ве однесе никаде. Држете до себе и секогаш бидете еден чекор пред ситуацијата.
Не потиснувајте ги чувствата – со самодовербата доаѓа и способноста да се зборува онака како што се мисли, а не да се кажува она што другите сакаат да го слушнат.
Не правете компромис со себе – живејте правилно и удобно. Направете баланс помеѓу приватниот и професионалниот живот, редовниот сон и правилната исхрана.
Не ги молете луѓето – кога сте самоуверена жена не ви се потребни туѓи судови и потврди за она што планирате да го направите.
Не слушајте слепо – не слушајте и прифаќајте се што ви се сервира. Сами проценете ја ситуацијата и донесувајте заклучоци откако ќе ги разгледате сите детали.
Не се грижете – времето е драгоцено, па наместо да се грижите за сè и сешто мислете на иднината, наместо на ситниците.
Пропустот не е пораз – за да се постигне голем успех треба да се направат и низа на неуспеси. Грешката е лекција, а не пораз.
Не сфаќајте сè лично – критиките и туѓите мислења не ги сфаќајте како атак на вашата личност, туку само како мислење поинакво од вашето.
Не пукајте под притисок – дамите не пукаат под притисок ниту пак дозволуваат притисокот на другите луѓе да влијае врз нив. Веруваат во себе, својот став и работа.
Квалитет пред квантитет – без разлика дали станува збор за луѓе, предмети или пак нешто трето, вистинските жени секогаш претпочитаат квалитет пред квантитет.
