Не е лага дека Вашето секојдневие е исполнето со безброј обврски и брзање да ги завршите истите. Сето тоа предизвикува голема доза на стрес и анксиозност во Вашето тело. Чувствувате дека е време да земете здив и да застане времето? Еве неколку совети коишто ќе Ви помогнат да се преродите:
1. Поставете граници.
Доколку Вашиот живот е пренатрупан, поставувањето граници ќе Ви помогне да се ослободите од некои работи и да си посветите време на себе. Престанете да ги правите работите коишто најмалку Ви значат.
2. Пронајдете техника за релаксација којашто му одговара на Вашето тело.
Музика, јога, медитација, што и да е, пронајдете се во некоја активност којашто ќе му помогне на Вашето тело да ги релаксира мускулите.
3. Успорете.
Одете побавно, движете го Вашето тело побавно, зборувајте побавно. Тоа ќе Ви помогне да го намалите стресот.
4. Прифатете ги работите и пуштете ги да исчезнат.
Доколку некои негативни емоции Ви се заплеткани во глава, ослободете се од нив и фокусирајте се на сегашниот момент и на нешто подобро.
