Запознавањето со некоја нова личност трае 7 секунди (токму така, не минути – туку секунди!). Тоа дадено време е доволно за да одлучиме за некого каква енергија шири. Во глобала, ова се веќе познати совети кои можеби и не ги практикувате, а не сте доволно свесни за нивната моќ. Поради тоа, се одлучивме да ви претставиме пет чекори за да ги направите тие седум секунди вредни!
1. Очите кажуваат се
Погледот е универзален показател на доверба, искреност и отвореност. Со оглед на тоа што половина од нашите комуникации се случуваат визуелно, а не вербално, погледнете во очите на говорникот и веднаш ќе му се допаднете!
2. Освојте го светот со насмевка
Украсете го секој можен момент со насмевка, и нови луѓе ќе стојат пред вашиот праг! Луѓето ги сакаат оние што се обиделе да ги насмеат или што едноставно нивната аура била позитивна. Насмевнувањето предизвикува лачење на ендорфин, па поради тоа е сфатливо зошто останувате во сеќавање за новите познаници.
3. Имајте ги уште од првото „Здраво“
Наједноставниот – а истовремено и најефикасен – начин да оставите добар впечаток е скромното запознавање. Започнувањето дискусија уште од почетокот е лоша идеја со оглед на тоа дека луѓето ќе се прашуваат за вашата искреност, вложете труд само доволно за да кажете јасно „Здраво“. Кажете го тоа низ насмевка и веќе сте ја завршиле половина работа.
4. Покажете отвореност.
Многу сигнали можат да бидат испратени за седум секунди, па затоа направете истите да вредат. Поченете со релаксирани движења на телото: откопчајте ја јакната, исправете се, одкрстете ги рацете..
5. Не се работи секогаш за вас
Класична грешка која што сите некогаш сме ја правеле или сеуште ја правиме е зборувањето за нас кога немаме за што веќе да зборуваме. Но еден начин за луѓето да ве сакаат е да зборувате баш за нив, односно покажувањето интерес токму за нивниот живот. Па затоа, прашувајте ги, слушајте ги, обрнете добро внимание на деталите и слично.
