Сигурно барем еднаш во животот сте се соочиле со овој предизвик. Има луѓе кои едноставно сакаат да се занимаваат со туѓи животи, многу повеќе од нивните. Тоа се оние кои во секој дел од вашиот живот ви „лепат нос“, често ве критикуваат, ви го наметнуваат својот избор, ви даваат совети дури и кога не го барате и секогаш коментираат за туѓите животи.
Што предизвикува такво однесување?
– Незадоволство од сопствениот живот – Многумина го прават тоа за да заборават на своите проблеми.
– Се трудат да изгледаат попаметно, подобро и посупериорно од другите – Се обидуваат да се издигнат над другите, и истакнуваат дека животот ви е полн со грешки и неуспеси.
– За да не се поправаат, се трудат да ги поправаат другите.
– Чувство на немоќ – Не можам да влијаам на сопствениот живот, па тие влијаат на туѓиот. Така се однесуваат од беспомошност, безнадежност.
– Завист што е тешко да се сокрие.
– Сфаќање на потребата да припаѓате – На овој начин некои луѓе се обидуваат да се зближат, па даваат совети и се трудат да бидат што поприсутни во вашиот живот.
– Неразбирање и непознавање на личните граници – Не ги разбираат сопствените граници и не ги почитуваат туѓите граници.
Кога некој ни се меша во животот, а тоа ни пречи, важно е да не страдаме, туку да покажеме дека сакаме да си го креираме животот.
Еве како најдобро да одговорите на овие луѓе:
1. Ако е можно, не реагирајте, заобиколувајте – Доколку ова не ви нанесе сериозна штета, тогаш поминете, игнорирајте, префрлете го разговорот на нешто друго, префрлете се на комуникација со други луѓе.
2. Филтрирајте ја вашата околина повнимателно – Не дозволувајте овие луѓе да ви се приближат премногу. Ако е можно, намалете го контактот со нив.
3. Дипломатски одговор – Можете да одговорите целосно неутрално и да изградите невидлив ѕид: „Тоа е нешто приватно и лично“; „Не сум подготвен да зборувам за тоа.“; „Во моментов немам одговор на тоа прашање.
4. Отворено посочување на проблемот – Можете отворено, но смирено да и објасните на личноста дека не ви се допаѓа некој да ви се меша во животот и дека најдобро е повеќе да не разговарате за такви работи.
5. Недефиниран одговор – Можете да кажете нешто нејасно за личноста да не ја продлабочи приказната дополнително. На пример, „Се може да се случи“ или „Животот е комплициран“.
6. Хумор – Доколку контекстот дозволува, тогаш можете да се пошегувате и да користите хумор за да му дадете на личноста до знаење дека ја преминала границата, но сепак сте пријателски расположени.
