Иако знаеме дека деструктивните врски ни носат само штета, тие лошо влијаат на нашите емоции, менталното и физичкото здравје, а по раскинувањето се уште има страдања.
Не е така лесно да се избрише човек, да се заборави минатото и лесно да се влезе во нов живот, но тоа е можно. По раскинувањето често губиме енергија, се чувствуваме како да ни паднале сите планови во вода и се плашиме од осаменост. Тоа се природни чувства кои треба да се прифатат, реализираат, а потоа да се надминат, без репресија и брзање.
Исто така, на многумина по раскинувањето им е загрозена самодовербата и тешко дека можат да и веруваат на друга личност. Како тогаш да се опоравите по деструктивна врска и да ја преболите поранешната љубов? Еве совет од психолог:
1. Преземете контрола над она што се случува! Повторувајте ги следните афирмации секој ден:
– Јас сум господар на мојот живот
– Јас владеам со се што ми се случува во животот
– Ја контролирам мојата состојба и чекорите
Вие одлучувате и дејствувате сами. Преземете ја контролата врз вашиот живот, правете го она што отсекогаш сте го сакале и сфатете дека сè зависи од вас. Среќата е во ваши раце!
2. Разговарајте со некој кој навистина сака да ве слуша
Не можете да ја задржите негативноста за себе. Многу е важно да зборувате, да кажете сè што е на вашата душа, да ја истурите целата болка и незадоволство. Можете да отидете кај психотерапевт кој може да ви даде корисни совети и алатки за надминување на актуелниот проблем, можете да разговарате со членовите на семејството, близок пријател од доверба …
3. Потрудете се повторно да се чувствувате силно
Спијте повеќе, променете ја околината, запишете се на некои хоби, вежбајте… Работете истовремено на силата на телото и умот – тоа ќе ве натера да се чувствувате подобро и подобро!
4. Не воспоставувајте контакт и не барајте изговор за да запознаете поранешен партнер
Ако е неопходно да се оствари технички контакт поради одредени работи, тогаш направете го тоа. Но, не започнувајте повторно некои теми ако знаете дека тоа нема да ви донесе ништо друго освен да ви отвори стари рани. Колку побрзо го прекинете контактот, толку полесно ќе го преболите.
5. Не правете повеќе илузии и не очекувајте ништо од него
Разберете дека ако личноста не се променила толку години, не разбрала ништо и не сакала да изгради нормален, здрав однос со вас, тогаш не развивајте дополнителни илузии. Излезете од маѓепсаниот круг.
6. Изберете ја вашата околина
Обидете се да комуницирате со оние кои навистина ве поддржуваат, кои ви помагаат да се чувствувате подобро, ви даваат позитивна енергија.
7. Не живејте во минатото, ниту во иднината, туку само СЕГА и ТУКА
Сегашниот момент е важен. Обидете се да контролирате што можете да направите и фокусирајте се на тоа.
8. Попозитивно гледајте кон иднината
Планирајте похрабро што сакате да го добиете во иднина. Само верувајте дека ќе бидете среќни, бидејќи тоа го заслужувате безусловно. И преземете барем мали чекори кон оваа цел.
