Вашата сродна душа е некој кој е доволно силен да ги издржи најголемите животни бури заедно со вас!
Секој од нас барем еднаш во животот бил повреден, но емоционалните рани со текот на времето заздравуваат.
Негативните искуства од минатото не се причина да се плашите од нова љубов. Поради страв од предавство, загуба или скршено срце, не смеете да си дозволите да ги пропуштите прекрасните работи што љубовта ги носи со себе.
Не затворајте го срцето. Искрено посакувајте да бидете повторно сакани и способни да сакате – тогаш вашата сродна душа ќе го пронајде патот до вашето срце.
Има толку многу прекрасни работи што ги носи романтичното партнерство – споделување на ист кревет, будење со некој кој вè сака, патување, создавање на спомени кои ќе вè топлат во старостта и креирање на прекрасен простор за духовен и емоционален развој.
Сепак, која е таа вистинска и судбинска сродна душа?
Вистинскиот партнер ќе го препознаете по тоа што ќе бидете воодушевени заедно од мислата за вашиот долг заеднички живот.
Потребно ви е некој на кој ќе се радувате секое утро, иако понекогаш животот ќе има и темни ноќи.
Потребна ви е личност која ја ви ја поттикнува разиграноста и љубопитноста во вас. Некој со кој што ќе можете да го споделите и доброто и лошото. Некој што секогаш ќе биде тука за вас, дури и кога тешки денови тропаат на вратата на животот.
Вашата сродна душа е човек кој навистина ќе ве прифати и ќе ве почитува. Некој за кој ќе бидете добри и прекрасни дури и кога грешите. Но, најмногу од сè, некој што е доволно силен да ги издржи најголемите животни бури заедно со вас.
Тоа е личност која ќе вложи енергија во вашата врска. Некој кој заедно со вас ќе работи секој ден на континуирано цветање на љубовта.
Тој нема да биде совршен човек затоа што сите учиме и правиме грешки во врските. Но, тој ќе биде вашиот совршен додаток за енергија во животот.
