Аналитичарите на IHS Markit направиле пресметка колку се трошоците за да се произведе неодамна лансираниот iPhone 7.
Според IHS, тоталните производствени трошоци за iPhone 7 32GB изнесуваат 224,80 долари, што е за 36,89 долари повеќе од iPhone 6S кој беше анализиран во декември 2015 година.
Иако формата и физичкиот дизајн на iPhone 7 се многу слични со претходникот iPhone 6S, новиот дисплеј има подобрени карактеристики, што води до зголемени трошоци. Исто така, сега е јасно дека Apple го острани 3,5 милиметарскиот приклучок за слушалки со цел да овозможи поголема батерија, хаптичко моторче и водоотпорен микрофон.
Ќе ја спомнеме и зголемената меморија каде сега основниот модел има капацитет од 32GB.
Инаку цените по кои ќе се продаваат моделите на iPhone 7 се од 649 долари па нагоре.
