Како што веќе претходно најавија, Тајзи и победникот на реалното шоу „Големиот брат“, Дарко Спејко, снимија заедничка песна.
Нумерата носи наслов „Палимо“ и се очекува да биде нов балкански хит.
– Песната е во весел летен ритам и е дел од мојот втор албум кој ќе излезе оваа година. Продукцијата на оваа песна е дело на Лазар Цветковски, режија на Владимир Дади Ивановски, додека текстот го напишав јас. Новина е тоа што првпат ќе ме слушнете како пеам на друг јазик, односно на српско-хрватски – изјави Тајзи.
За песната Тајзи и Спејко снимија и видеоспот на повеќе локации во Хрватска како што се: Сплит, Омиш и Макарска.
Спотот ќе изобилува со атрактивни девојки, а интересно е тоа што во него се појавува и автомобилот од марката „шевролет имала“, поточно автомобилот на големиот Јосип Броз Тито.
Специјални гости во спотот се и Ервин и Мирјана, кои, исто така, учествуваа во реалното шоу „Големиот брат“.
Летово ќе има уште две нови песни и видеа и исто така момците најавуваат и летна балканска турнеја.
