Летен рецепт: Ледени колачи од кокос со чоколадо

Колачи без вклучување на рерната? Да, можно е! Кокос колачите со чоколаден прелив се повеќе од лесни за подготовка, а наместо рерна потребно вие замрзнувач.

Состојки:

За тесто:

• 1 банана
• 15 урми
• 1/4 чаша кокосово масло
• 1 чаша рендан кокос

За глазура:

• 1/4 чаша кокосово масло
• 1/4 чаша мед
• 1/4 чаша какао во прав
• 1 лажица екстракт од ванила
• малку сол

 

Подготовка:

1. За тесто: Сите состојки ставете ги во блендер и убаво изблендирајте .
2. Со лажица ставете ја смесата на хартија за печење и убаво израмнете ја да биде со дебелина од еден сантиметар.
3. Ставете ја во замрзнувач и направете ја глазурата.
4. За глазура: Стопете го кокосово масло на тивок оган.
5. Тргнете го од оган и додадете ги другите состојки.
6. Истурете го врз тестото – чоколадото треба да ја покрие целата површина.
7. Вратете го во замрзнувачот за да се зацврсти глазурата.