Љубовта ќе се појави во вашиот живот кога ќе престанете да правите една грешка …
Таа е најнеопходната појава во животот, сите ја посакуваме и се надеваме дека ќе се појави во нејзината вистинска форма – ЉУБОВ!
Ние сме создадени да сакаме и да бидеме сакани. Човекот е суштество создадено од љубов и прекрасни чувства. Така се раѓа, а со тек на време, само животот, околината и негативната судбина можат да го одвојат од прекрасната љубов.
За жал, некои луѓе не си дозволуваат да го почувствуваат тој сладок шарм на љубовта, туку целиот живот го поминуваат во потрага по совршен однос што го замислиле во својот ум.
Некој ја наоѓа љубовта на прв поглед, на прв допир, но повеќето немаат таква среќа.
Осамените срца честопати се споредуваат со луѓе кои се заљубени и среќни во љубовта. Тие копнеат и се прашуваат зошто и тие не заслужиле да ја доживеат оваа убавина од најтопли чувства.
Тогаш се создава комбинација од токсични чувства кои ја уништуваат душата – чувство на отфрлање, скршеност, нарушена самодоверба и разочарување…
Тоа е еден магичен круг од кој што не е лесно да се излезе, а неговата цел е целосно да ве скрши и ја одземе најважната форма на љубов – љубовта кон сопственото битие.
Наместо да очајувате и негувате песимистички предвидувања, важно е да го знаете следново: Во животот, многу пожелни ситуации и исходи остануваат скриени од нас сè до вистинскиот момент. Но, кога ќе дојде тој магичен момент, ќе бидете воодушевени и препородени.
Повеќето работи во нашите животи се случуваат неочекувано – Тогаш, зошто да мислите дека љубовта ќе се случи плански?
Љубовта ќе влезе во вашиот живот кога најмалку ќе ја очекувате.
Ако сакате да ја сретнете вистинската љубов, вие навистина ќе ја сретнете, но тоа не можете да го испланирате.
Не постои магична формула за создавање на средба со сродната душа. Постои повисока моќ што ги зближува луѓето во вистинско време, на вистинското место.
Престанете напорно и упорно да ја барате љубовта. Тоа не значи дека треба да се откажете целосно, туку да се опуштите и да препуштите на животот. Очајот повеќе не смее да биде дел од вас.
Универзумот ќе направи точно сé како што треба.
Дајте и на љубовта време затоа што е предодредено таа да ве најде, а не вие неа.
