MyGreatRecipes, апликација за готвење креирана од македонски девелопери, денес ќе биде промовирана на познатата платформа за откривање нови идеи, стартапи и продукти – ProductHunt.
MyGreatRecipes е апликација за готвење чија цел е секојдневно да ги инспирира корисниците со своите 100.000+ рецепти, како и да понуди интересни идеи и совети кои ќе го олеснат готвењето и ќе ја зголемат креативноста во кујната.
ProductHunt, пак, е најпознатата платформа на која сите светски стартапи ги објавуваат своите продукти. Целта на апликацијата е да се пласира меѓу првите пет со цел да се зголеми нејзината популарност. Бидејќи конкуренцијата на ProductHunt е голема, можете да ја дадете вашата поддршка на MyGreatRecipes апликацијата ТУКА.
