Спортската јавност со нетрпение ја очекува свадбата на деценијата во светот на фудбалот која ќе се случи утре во родниот град на Лионел Меси Росарио.
Фудбалерот и долгогодишната вереница Антонела Ракузо веќе имаат две деца, Тиаго и Матео, а нивната врска ќе ја зацврстат утре пред многуте пријатели и роднини.
Церемонијата ќе се одржи во еден од комплексот хотели во градот кој поседува сопствено казино, куглана, тениски игралишта, базени, како и голем број на барови и ресторани.
Шпанските медиуми иако велат дека листата на гости е долга, тие се фокусираат само на клупските колеги на Меси кои се поканети на свадбата, а тие пишуваат и дека меѓу првите кои веќе се пристигнати се Нејмар и Суарез.
Хотелот ќе го обезбедуваат 200 полицајци, а Меси кој заработува 360 илјади фунти неделно во Барселона ги повика гостите да не купуваат скапи подароци и наместо тоа тој и неговата идна сопруга побараа донации за неговата лична фондација „Лионел Меси“ која се фокусира на децата низ целиот свет.
