Нешто чудно се случило во Сплит, а хрватската јавност се прашува како е можно преку ноќ да исчезна една цела репрезентација.
Имено, на европското првенство во кревање на тегови пристигнале 42 национални селекции. Меѓу нив била и азербејџанската.
Но, Октај Мухтаров, Махамад Мамадли, Камран Хусеин Исламјлов, Елнур Хусеинов, Иса Растамов и Илхам Мамадов, без трага исчезнале преку ноќ, јавува Jutarnji List.
Дошле во Сплит, потпишале прием во хотел, а потоа…Едноставно им се губи секаква трага. И повеќе од чудно по 2.700 километри минати со авион. Ако воопшто стигнале со авион, а не по 3.973 километри долгиот копнен пат.
Не се појавиле ни на борилиштето, никој од споменатите кревачи на тегови не бил виден по доаѓањето во хотелот, а не ни се јавиле на некој од организаторите.
Хрватските медиуми се сомневаат дека, всушност станува збор за избегнување на допинг контрола, која е многу засилена за ова натпреварување. Азербејџанците минатата година останале без седум ѕвезди во кревање тегови, токму поради користење на недозволени супстанци, па Jutarnji.hr се сомнева дека токму контролата е виновна за “исчезнувањето на цела една репрезентација”.
