(ВИДЕО) На 1.300 километри од Сана, главниот град на Јемен, постои огромна дупка позната како „Пеколен бунар“. Локалното население избегнува да и приоѓа, верувајќи дека е полна со демони.
„Бунарот на пеколот“ веќе подолго време го привлекува вниманието на авантуристи и научници, кои сè уште не сфатиле како се формирала џиновската дупка во пустината, широка 30 метри и длабока помеѓу 100 и 250 метри. Генералниот директор на јеменската служба за геолошки истражувања и минерални суровини, Салах Бабаир, изјави дека експертите влегле во мистериозна дупка, но тие не успеале да стигнат до самото дно поради недостаток на кислород.
„Таму забележавме чудни работи. Исто така, почувствувавме чуден мирис. Мистериозна ситуација “, рече тој, не наведувајќи детали. И, навистина, на тоа место се случуваа бизарни работи. Луѓето кои се обиделе да ја снимат дупката одблизу изјавуваат дека тоа е скоро невозможно. Некои дури тврдат дека таа ги „цица“ сите предмети што и се блиски.
Според локалната легенда, „бунарот“ бил создаден како затвор за демони, што најверојатно се заснова на фактот дека од дупката се шири крајно непријатен мирис. Суеверните жители не само што не одат таму, туку и не сакаат да зборуваат за дупката, плашејќи се дека ќе ги снајде некоја несреќа.
Научниците, пак, ја отфрлаат идејата дека демоните имаат никаква врска со дупката и нејзиното потекло. Некои од нив веруваат дека дупката е создадена поради ерозија на варовник, како и дека постои можност да се работи за супервулкан кој ќе се разбуди во одреден момент.
