Првиот училишен ден за малите првачиња и останатите деца претставува голем настан и предизвикува трема и возбуда. Особено поради фактот дека сѐ уште не сте ги запознале своите соученици.
Овие две момчиња од Вичита, Канзас поставија пример за другарството од кој може да учиме и ние возрасните.
Кога Кортни Мур го оставила во училиштето нејзиниот 8-годишен син, забележала како тој седи на земјата со друго момче кое плачело во аголот. Тој го фатил за рака и заедно стигнале до влезната врата на училиштето. Чекал сѐ додека не заѕвони ѕвончето и го испратил до училницата.
Гестот на Кристијан бил особено трогателен поради фактот што Конер, момчето кое седело само во аголот има аутизам.
https://www.youtube.com/watch?v=VX3I0G5JjbM
„Тој се возбудува многу лесно и почнува да плаче и кога е тажен и кога е среќен. Ова беше особено возбудлив ден за него“, објаснува мајката на момчето со аутизам.
Момците се зближиле веднаш. Од првиот ден тие започнале даа се дружат и да играат видео игри заедно. Конер обично се нервирал кога игра со други деца, но не и со Кристијан. Пресреќен е што има нов другар.
„Ме пронајде и ме држеше за рака, а јас плачев од среќа“,вели Конер.
