Секој од нас и ден денес сè уште многу добро се сеќава на утрото на 16 октомври 2007 година. Во шок и неверување медиумите започнаа да известуваат за трагичната смрт на најпопуларниот македонски пејач на сите времиња, Тоше Проески. Тој го загуби животот во сообраќајната несреќа што се случи на автопатот кај Нова Градишка.
Тодор Тоше Проески, познат како „Балкански ангел“, беше најпопуларниот македонски пејач и личност во земјите од поранешна Југославија. Многумина се согласуваат дека тој го освои Балканот со неговата насмевка, изгледот и музиката, а заштитен знак му беше изразот „Ве сакам сите!“ Роден е на 25 јануари 1981 година во Македонија, во Крушево, а неговото име Тодор значи „Божји дар“. Неговите родители Доминика и Никола Проески веројатно не сфатиле во моментот на раѓањето дека нивниот син дека тој некогаш ќе биде една од најголемите sвезди во целата област на поранешна Југославија.
Тоше го издаде својот прв студиски албум „Некаде во ноќта“ во 1999 година, а една година подоцна го издаде својот втор албум под наслов „Синот Божји“. По неговиот втор албум, неговата музика започна да се шири во други соседни земји, како што е Србија, а во 2001 година Тоше дури ја обиколи Австралија, што за него беше големо достигнување. Истата година го освои второто место на Фестивалот во Подгорица со песната „Немир“, која ја испеа во дует со Каролина Гочева, а во март 2001 година имаше пет последователни концерти во Скопје, кои беа распродадени до последното место. Во октомври 2002 година, тој го издаде својот трет албум, „Ако ме погледнете во очи“ и во ноември истата година ја започна својата прва голема турнеја. Тоше студираше соло пеење на Музичката академија во Скопје и беше еден од ретките образовани поп музичари во поранешна Југославија, а својот вокал го усовршил во Њујорк. Таму ги посетуваше часовите на славниот професор Вилијам Реј, кој е познат и по соработката со Лучијано Павароти.
Не само одличен музичар, туку и голем хуманитарец
Тоше не беше само одличен музичар, туку и одличен хуманитарец. Во 2003 година, тој ја доби Хуманитарната награда Мајка Тереза за неговите добротворни концерти и една година подоцна стана најмладиот амбасадор за добра волја на УНИЦЕФ. Неговата песна „За овој свет“, снимена во 2004 година, стана химна на УНИЦЕФ.
