Ова е најубавата бохо куќа на Инстаграм – дом како прекрасна оаза за релаксација и фантазирање!
Дали е и ваш сон да имате прекрасен дом кој потсетува на тајна оаза, создаден токму за вашата душа?
Точно со таква куќа може да се пофали полската блогерка Емилија Луневска, која од својот животен простор го создаде најубавото бохо царство.
Блогерката направи совршена комбинација од имагинативен бохо и чист скандинавски стил. Покрај тоа што е убав, овој дом изгледа многу практично, бидејќи вешто е испланирано како да се искористи секој агол на просторот.
Оваа куќа има 160 метри квадратни, а колку е инспиративен покажува бројот на „лајкови“ на Инстаграм. Секоја фотографија од куќата предизвика позитивни коментари на социјалните мрежи, а ќе можете да пронајдете и прекрасна инспирација за вашиот дом.
Емилија се одлучи за комбинација на бела, црна и боја на дрво за ентериерот. Секоја соба е исполнета со зелени растенија и ориентална декорација.
Вистинскиот ефект на бохо дава уникатна декорација, како што се мандала, килими и нишалки исплетени во макраме техника.
Иако има многу украси, овој дом изгледа отворено и уредно. Белата боја и светлината оставаат впечаток дека изгледа пространо, а се приметува дека блогерката посветила големо внимание на секој детал.
Погледнете ги сликите од најубавата бохо куќа на Инстаграм!
