За подготовка на плескавиците од тиквички потребни ви се само 20 минути.
Состојки:
- 2 помали тиквички
- 2 јајца
- 2-3 лажички брашно
- сол и зачин по вкус
- половина прашок за пециво
- масло за пржење
Начин на подготовка:
Изрендајте ги тиквичките и додадете им малку сол. Оставете ги да отстојат 10 минути, за да ослободат малку вода. Во посеба чинија изматете ги јајцата и додадете ги исцедените тиквички. Додадете брашно, пециво и зачини, па соединете ги со вилушка. Не би требало да биде погусто од смесата за палачинки. Со лажица земајте од смесата и пржете ја на врело масло, но плескавиците одделете ги да не бидат премногу дебели. Откако ќе ги испржите ставајте ги на хартиена салфетка, за да се исцедат.
