Како би можеле да ја понудиме, развиеме и прошириме услугата на Солвео на нови пазари?
Со 3 успешни натпревари, 60+ задоволни учесници и 15 покани за работа/пракса, СОЛВЕО ни го најавува својот 4ти отворен натпревар за студенти. Солвео е иновативна компанија која ги поврзува студентите со компаниите за работа на реален проект.
Со потврдување на својот концепт локално во Македонија (proof-of- concept) Солвео подготвува стратегија за проширување на својот бизнис на нови пазари.
Предизвикот за овој натпревар е да се пронајдат, тестираат и развијат можни начини за проширување на Солвео на регионално и глобално ниво. За време на овој проект ќе добиете можност да и помогнете на локална компанија да се пробие во странство.
Преку детално запознавање со моменталните практики и клучни вредности на Солвео, ќе треба да предложите стратегија и план за имплементација за креирање на скалабилен модел кој ќе му помогне на бизнисот да расте глобално.
За кого е наменет повикот?
Повикот е отворен за сите студенти – ентузијасти кои сакаат предизвици, сакаат да работат на реален проблем, и сите оние кои сакаат да научат нешто ново. Проектот е од времетраење од неполни 3 недели во 8 креативни работилници.
Награда: 30.000ден (за победничкиот тим)
Отворени места: до 20
Насоки на интерес: Е-бизнис, Маркетинг, Финансии, Менаџмент, Дизајн, Информатички технологии, Психологија…
Краен рок за пријавување: 19.02
ЗОШТО ДА АПЛИЦИРАТЕ?
• Искуство при работа на реален проект
• Можност да работите со млада компанија
• Можност да добиете парична награда и сертификат
• Вмрежете се со професионалци, компании и студенти
• Истакнете се пред потенцијални работодавачи
