Во Мадагаскар е пронајден рептил, за кој научниците веруваат дека е најмал во светот, а станува збор за подвид на камелеон чие тело е долго само 13,5 милиметри.
Истражувачите откриле кој може да биде најмалиот рептил во светот. Овој вид микро камелеон Brookesia nana е пронајден во северниот дел на Мадагаскар и е долг само 22 мм од муцката до врвот на опашката. Два мали влекачи од видот Brookesia nana, чии членови се познати и како нано-камелеони, биле откриени од членовите на тимот на германско-мадагаскарската експедиција, пишува Би-Би-Си.
Мажјакот има тело долго само 13,5 милиметри, што го прави најмал меѓу околу 11.500 познати видови влекачи. Неговата должина од главата до крајот на опашката е 22 милиметри.
Researchers have discovered what may be the world’s smallest reptile. This micro chameleon species (Brookesia nana) was found in northern Madagascar and is only 22mm long from its snout to the tip of its tail. 📸 Frank Glaw pic.twitter.com/h3D3zbicXP
— Big Think (@bigthink) February 1, 2021
Женката е малку поголема, околу 29 милиметри, а научниците наведуваат дека други примероци сè уште не се пронајдени. Камелеонот е пронајден само во занемарените дождовни шуми на северот на Мадагаскар и може да му се закани истребување, предупредуваат научниците. Оливер Хавличек од Центарот за природна историја во Хамбург, сепак, тврди дека областа неодамна била ставена под заштита и дека видовите ќе успеат да преживеат. Истражувачите откриле дека камелеоните се хранат со грини од земјата и се кријат во тревата ноќе од предаторите. Тие предложија камелеонот да се стави на список на критично загрозени видови за да помогне во зачувувањето на неговото природно живеалиште.
