Седумгодишната хаска Нанук помагала во спасувањето на повредена девојка на Алјаска. Нанук ја пронашол повредената студентка од Тенеси, Амелија Милинг, откако се лизнала на снежната падина и удрила во камен.
Хаската и пришла и и помогнала да се врати на пешачката стаза. Со неа ја провела цела вечер, а следниот ден откако Амелија паднала во рекала Игл, ова куче и помогнало да се извлече од ледената вода.
Амелија по спасувањето го активирала локаторот и така била пронајдена од полицискиот хеликоптер. Таа заедно со Нанук потоа била хоспитализирана поради полесни повреди и набргу била пуштена од болница.
„Верувам дека Нанук е ангел чувар“, рекла 21- годишната студентка. Полицајците велат дека Нанук веќе со години извршува вакви акции и дека им прави друштво на планинарите кои ги среќава по патот. Она што е интересно е дека ова куче воопшто не е тренирано за да биде спасувачко куче.
„Се прави сам. Ова е втор пат да спаси некого од давење“, вели сопственикот на Нанук Скот Свифт, кој се грижи за ова куче шест години.
