Денеска во „Рагуза360“, се одржа прогласувањето на победничките во првиот македонски избор на “Жена на годината”, кој е во склоп на конференцијата „200 жени претприемачки“.
Во номинациите кои се одржаа онлајн учествуваа 569 лица, а дамите со најмногу номинации формираа листа од 50 финалистки во вкупно 10 категории за кои потоа гласаше 10-члено жири составено од претставници на медиуми, компании и стопански комори.
Ова се 10-те победнички во изборот „Жена на годината за 2019“:
- Категорија “Жена на годината” – Мила Царовска, Министер за труд и социјална политика;
- Категоријата “Жена со трајни вредности” – Ангелка Пеева Лаурениќ, Имиџ ПР и Движење за поддршка на креативноста “Браво Сине”;
- Категорија “Жена менаџер на годината” – Викторија Механџиска, Зегин;
- Категорија “Млада жена менаџер на годината” – Сања Лукаревска, УЈП;
- Категорија “Странец жена менаџер на годината” – Рејчел Галовеј, Амбасадор на Обединетото Кралство во Македонија;
- Категорија “Жена со најголеми достигнувања во културата” – Тамара Котевска, режисерка на филмот Медена Земја;
- Категорија “Жена со најголеми достигнувања во спортот” – Сара Ристовска, ракомет ;
- Категорија “Жена со најголеми достигнувања за општеството” – Кристина Арнаудова, Проект Среќа;
- Категорија “Жена со најдобар стил “ – Даниела Колиќ Димовска, LISCA
- Категорија “Инфлуенсерка на годината” – Лила Филиповска, ТВ Сител.
Организатори на “Жена на годината” се Маркетинг365 и Касиа Евентс. Поддржувач на изборот беше Сојузот на Стопански Комори на Македонија, а главен покровител на конференцијата беше Пивара Скопје.
