Убедливо најотровната работа која ја имате во вашата колекција за разубавување е лакот за нокти. Иако одамна се знае дека испарувањето на лакот може да биде отровен и дека препорачливо е да не ги средувате ноктите во затворена просторија новите истражувања покажуваат дека носењето на лак на ноктите може да ве отруе. И тоа е прилично сериозно.
Научниците од универзитетот “Дјук“ од Северна Каролина во соработка со американската Група за животна средина го испитувале влијанието на лакот над човечкиот организам. Посебно се сконцентрирале на фрифенил фосфатот (TPHP) кои некои производители го додаваат во лаковите за да бидат долготрајни и отпорни на оштетувања. Ова соединение патем се додава во создавањето на пластиката и може да биде многу отровно.
Во истражувањето учествувале 26 жени, кај кои во организмот се покажало 700 проценти повеќе фосфат во рок од 10 часа по лакирањето на ноктите. Тоа е јасен показател дека оваа штетна хемикалија влијае врз вашето тело преку лакот. Студијата работена врз животни покажала дека фосфатот може да доведе до пореметување на развојот.
