Двокатната вила во Пекинг, Кина, изгледа навистина одлично, а посебно е импресивна поради фактот дека е направена за само 45 дена и тоа со помош на 3D принтер.
Вилата со големина од 400 метри квадратни има ѕидови со дебелина од 2,5 метри и во целост е испечатена. Менаџерот на проектот тврди дека е доволно цврста за да издржи земјотрес со магнитуда од 8 степени според Рихтеровата скала.
Компанијата “Haushang Tengda” се наоѓа во Пекинг, а соопшти дека за изградбата на вилата биле потребни минимални рачни работи како бојадисување и украсување.
Иако други фирми претходно правеа објекти со помош на 3D принтери, оваа вила е првата која е изградена во еден дел, а не во повеќе делови кои биле дополнително составувани.
Материјалот кој е користен за изработката е специјален зајакнат бетон.
