Развојот на деменција е зголемен за околу 30 проценти кај луѓето на возраст меѓу 50 и 70 години кои спијат помалку од шест часа во споредба со оние кои спијат седум или повеќе часа на ноќ, според резултатите од студијата спроведена на речиси 8.000 возрасни Британци . Нивните навики, хигиената на спиењето, дневниот ритам и квалитетот на сонот се следат повеќе од 25 години.
Студијата е спроведена од научници од Францускиот национален институт за здравствени и медицински истражувања (Inserm) и Универзитетот во Париз во соработка со лондонскиот „Универзитетски колеџ“ (UCL). Научникот Северин Сабеа и нејзините колеги, исто така, забележале 30% поголем ризик од развој на деменција кај луѓе на возраст меѓу 50 и 70 години кои пријавиле пократки периоди на спиење, без оглед на нивните потенцијални кардиоваскуларни или метаболички проблеми, како и оние психички , како депресијата, и сите тие се фактори на ризик за развој на деменција.
Како дел од истражувањето, учесниците го проценувале времетраењето на спиењето во шест наврати помеѓу 1985 и 2015 година, а во 2012 година, 3.900 од нив добиле акцелерометар кој бележи податоци за спиење во текот на ноќта, со цел да ја потврдат точноста на нивните проценки. Индикаторите ги потврдија претпоставките за развој на деменција кај такви лица од март 2019 година. Според Светската здравствена организација (СЗО), скоро секоја година во светот се регистрираат околу 10 милиони нови случаи на деменција, вклучително и Алцхајмерова болест.
Кај луѓето кои страдаат од деменција, на развојот на болеста честопати му претходи слаб квалитет на сон, како што е честото будење во текот на ноќта или премалку сон, како што покажуваат се повеќе истражувања. Научниците, исто така, забележале опасност од поголем ризик од развој на амилоидна плоча во мозокот, протеин поврзан со деменција кај луѓе кои се буделе повеќе од пет пати во текот на ноќта, поради што Inserm укажува на важноста на добра хигиена за спиење за здравје на индивидуата. Идните истражувања веројатно ќе можат да утврдат како подобрувањето на навиките, кога станува збор за спиење, може да придонесе за спречување на развој на деменција, пишува „Природа“.
Најдобар начин да се намали ризикот од развој на деменција и да се одржи мозокот здрав во староста е „прекин на пушењето, умерено консумирање алкохол, редовна ментална и физичка активност, урамнотежена исхрана и контрола на нивото на холестерол и крвен притисок“, вели д-р Сара. Имарисио. Од здружението за истражување на Алцхајмеровата болест.
