Кој не сака макарони со сирење, а кога ќе им го додадете овој сос, уживањето е загарантирано.
Состојки:
- 200 гр макарони
- 2 лажици путер
- 30 гр брашно
- лажичка сенф
- 1/2 лажичка Ворчестер сос
- 2 шолји млеко со мала масленост
- 150 гр сирење
- сол
- бибер
Подготовка:
Загрејте ја рерната на 180 степени Целзусови и варете ги тестенините според упатството на пакувањето. Во меѓувреме, во тавчето растопете го путерот. Додадете брашно, сол, бибер, сенф и Ворчестер сос и мешајте на средна температура додека не се згусне. Потоа тргнете го од оган и додадете млеко. Вратете го на оган така што сосот да врие 1 минута при константно мешање. Додадете сирење и држете го на оган додека сирењето не се растопи со повремено мешање. Исцедените тестенини измешајте ги со сосот, па додадете го маслото и во керамички сад за во рерна печете околу 20 минути.
