Љубов не е она што го гледаме во романтичните комедии од Холивуд. Напротив, љубовта е преполна со предизвици, но и награди.
Ако не сте сигурни каква е вашата врска, проверете дали со партнерот ги делите овие три емоции:
Радост
Кога ќе го видите, зениците ви се шират, усните се развлекуваат формирајќи насмевка, а срцето почнува силно да чука. Тоа е еден од знаците дека имате вистинска љубов. Можете да бидете позитивна личност, но вистинската радост тешко дека може да се одглуми, а длабоко во срцето знаете дали сте среќни со некоја личност или не.
Внатрешен мир
Животот е преполн со подеми и падови, драми, приватни проблеми и други стресни ситуации. Имате ли некој кој е тука за вас секогаш, кој ве смирува и опушта по тешкиот ден? Тој би можел да биде вашата вистинска љубов. Личноста која ви помага да го достигнете внатрешниот мир е повредна и од злато. Не заборавајте и вие да бидете пример со своето однесување.
Страст… надвор од спалната соба
Страста во спалната соба е важна за квалитетна врска, но уште поважно е да имате некој крај себе кој ќе биде страствен и на другите полиња во животот. Некој кој страствено ќе ужива во своето хоби, ќе ве поттикнува да ги истражувате сопствените желби и ќе ве поддржи во остварувањето на своите соништа.
