Студиото „Јуниверзал“ има намера во својот репертоар да ги врати во живот класичните чудовишта. Така, наскоро треба да пристигнат филмови со разни чудовишта, мумии, Франкенштајн, Дракула и останатите.
Иако првично одбиваа да ги коментираат гласините дека започнале со таков проект, изгледа дека сега се е јасно и дека на Том Круз во филмот за мумии ќе му се придружи и Расел Кроу.
Заедно со нив двајца, главната женска улога ја доби Анабел Валис.
Судејќи по тоа дека целиот проект претставува обид да ги врати во живот старите монструми, улогата на Кроу во филмот е веројатно некое познато чудовиште како што е мумјата. Сега се шпекулира дека Расел би можел да биде докторот Џекил (а веројатно и Хајд), но во модерно време.
Покрај нив, во проектот се вклучени и други познати глумци како Џони Деп (Невидливиот човек) и Анџелина Џоли (Невестата на Франкенштајн).
Имено, „Мумија“ во кината би требало да пристигне кон почетокот на блокбастерската сезона, идната година.
