Нашите баби ја подготвуваа во сите прилики
Состојки:
- 500 гр. шеќер
- 200 мл. вода
- 200 гр. мелени бисквити
- 150 гр. мелени ореви
- 125 гр. маргарин
- 100 гр. чоколадо
За глазура:
- 100 гр. чоколадо
- малку маргарин или масло
Подготовка:
Ставете го шеќерот и водата да зовријат, а потоа тргнете од оган и оставете да се излади 5 минути. Потоа измешајте ги бисквитите и оревите и додадете го маргаринот и добро измешајте сè заедно.
Поделете ја смесата на два дела. Едниот дел останува каков што е, а во вториот дел додадете го растопеното чоколадо.
Врз светлиот дел поставете го потемниот додека смесата е сè уште топла. Добро притиснете и оставете да се излади, а потоа прелијте со глазура.
