Веќе некое време се зборува дека чиа семето е суперхрана. Па, тогаш зошто да не го вклучите во вашето мени. Чиа пудинг со банана е лесен за подготовка, и може да биде брз и здрав оброк или можеби закуска. Ќе уживате како да сте јаделе слаткп, а сте внеле голема количина неопходни омега-3 масни киселини, како и други корисни состојки.
Денес ви претставуваме лесен рецепт за пудинг од чиа со банана.
СОСТОЈКИ:
- чаша млеко
- 4 лажици семе од чиа
- половина банана
- неколку ореви
- цимет
- лажичка мед
ПОДГОТОВКА:
Додадете семе од чиа во чаша млеко. Оставете да отстои дваесетина минути (или преку ноќ). Кога семето ќе отече, додадете исечкана банана, ореви, цимет и мед одозгора.
Семето на чиа содржи голема количина омега-3 масни киселини. Потрошувачката на оваа храна има позитивен ефект врз стимулирање на варењето на храната и помага во регулирање на телесната тежина, бидејќи тие го забрзуваат распаѓањето на мастите во организмот. Од друга страна, ако вклучите семе од чиа во вашето мени, позитивните промени ќе влијаат и на јачината на косата, ноктите, забите, коските и здравјето на крвните садови.
Пријатен апетит!
