Најдобриот фудбалер на Реал Мадрид, Кристијано Роналдо изјави дека постојат шанси оваа сезона неговиот клуб да стигне до трофеи и да ја направи сезоната незаборавна. За тоа да се случи тој апелира до навивачите да му помогнат на Реал.
Оваа помош ќе биде мошне значајна во реваншот од четвртфиналето на Лигата на шампионите, каде што кралскиот клуб ќе се обиде да ја анулира предноста на Волфсбург од 2:0.
– Ако вие помогнете, би можеле да го елиминираме ривалот и да ја направиме ноќта магична. Ни треба вашата помош до крајот на сезоната затоа што се уште имаме шанси и во Лигата на шампионите и во Примера. Можеме сезоната да ја направиме незаборавна, истакнува Роналдо во повикот за поддршка до навивачите.
Реал утре во Мадрид го игра реваншот со Волфсбург, а во Примера по изминатите две неуспешни рунди за Барселона, ја намали предноста на Каталонците на само четири бода.
