Португалскиот супермодел Сара Сампајо (28) позната е по својата егзотична убавина и самоуверен став на модната писта, а каде и да се појави плени со својот изглед.
Некогашниот ангел секогаш е дотерана на црвениот тепих, но како и цел свет, сега времето го поминува во самоизолација.
Славната манекенка во својот дом го одмара лицето од тешките шминки и очигледно не се грижи за изгледот кога набрзина ќе излезе од домот.
Папараците ја забележаа Сара во тренерки и маица со неуредна фризура, во моментот кога претрчала да фрли ѓубре.
Инаку, покрај успешната кариера , супермоделот е успешна и на љубовно поле и ужива во петгодишната врска со Оливер Риплеј сопственик на еден хотелски ланец.
