Вчеравечер во салата Борис Трајковски се одржа 23. издание на Златна Бубамара на Популарноста насловено како Нема правда, има Бубамара!
Како и секоја година така и оваа година Златната Бубамара на популарноста беше настанот кој долго го очекувавме поради тоа што претставува најмасовна и најзабавна музичко-сценска манифестација што ги доделува најрелевантните награди. Во улогата на водител на манифестацијата, традиционално се појави актерот Сашко Коцев кој и овој пат успеа да ги насмее присутните до солзи.
Ова се некои од наградените:
Тамара Тодевска ја освои Бубамарата за хит на годината за евровизиската песна „Proud“, со која минатата година во Израел го освои осмото место на изборот за Песна на Евровизија.
Наградата за трајни музички вредности ја доби белградскиот рок-бенд „Електрични оргазам“.
И актерите од „Дајте музика“ се заблагодарија на своите фанови. Тие ја добија наградата за најдобра Детска емисија.
