Споделувањето е најдобар начин да покажете дека се грижите за некого. Понекогаш е потребно многу малку за да направите некого среќен и да му го разубавите денот. Со отворањето на „Копче“, нашиот град доби многу повеќе во борбата за подигање на свеста кај луѓето за хуманоста и сето она што можат да го направат за другиот.
View this post on Instagram
„Копче“ означува колективна свест, искрени намери и заедничка цел. Како проект развиен од долгогодишното работење на Црвен крст на Република Македонија – Црвениот крст на град Скопје во областа на донирањето и дистрибуција на облека до најзагрозените, Копче овозможува секој од нас достоинствено да си го купи своето парче облека по достапни цени за секого.
View this post on Instagram
Со цел да се овозможи што поголем број на парчиња облеки за сите возрасти, покрај продавницата на „Копче“, граѓаните имаат можност да подарат облека в0 кутијата за донации која што е поставена на „Бродот на среќата“, а секоја недела во текот на овој месец ќе добиете гратис кафе за секоја донација, симболично испраќајќи порака дека секое добро дело се вреднува и се возвраќа со добрина.
View this post on Instagram
Хуманоста е особина, но исто така таа се учи во текот на животот. Помагајќи им на другите правите добро дело за себе, а воедно давате пример за останатите. Бидете и вие дел од оваа среќна приказна, донирајте и уживајте во прекрасната атмосфера на „Бродот на среќата“.
