Да, кучињата сакаат да ги галите, но важно е како го правите тоа. Тапкањето на кучето по главата е лош начин да ја покажете својата наклоност, велат експертите за миленичиња. Кучињата го сметаат овој гест за „заканувачки“ и не им се допаѓа таков пристап. Некои може да се исплашат, да избегаат, а некои и да плачат поради тоа.
Што всушност е спорно (затоа што знаеме дека кучињата сакаат галење)? Погрешен начин да се пријде на куче е да му се пријде од напред, да се наведнува над него и да го тапка по главата, објаснува Сара Бартлет од “The Hound Helpers Ltd.”.
Никогаш не приоѓајте на кучето од напред
За почеток, приближувањето лице в лице во кучешкиот свет се разбира со изразување агресија. Постои многу подобар начин да се пристапи кон кучињата, објасни експертот. Прво, треба да се пријде одстрана наместо однапред. Ако ги набудувате кучињата што штотуку се запознаваат, ќе забележите дека тие се приближуваат еден до друг, а не муцка со муцка. Истото треба да важи и за луѓето што ги среќаваат.
Исто така, замислете свој приватен простор околу вас и неговиот приватен простор. Оставете го кучето да одлучи дали сака да влезете во неговиот безбеден простор и да се пробиете. Исто така, експертот ве советуваше да ја тестирате реакцијата на кучето со тоа што полека ќе ја подадете раката за да ја помириса. Клекнете странично и лесно подадете ја раката кон кучето. Ако кучето ја мириса вашата рака, почешкајте го малку под брадата или зад увото.
Одеднаш испружените раце можат да го исплашат кучето и тоа би можело да реагира непредвидливо, исто како што може да се вознемири со наведнување над него. Значи, на кучето треба да му се пристапи од страна, полека да ја подадете раката кон него и ако „се согласи“, лесно погалете го.
Чешање на стомакот
Галењето на куче по стомакот е уште еден популарен метод за милување, но не заборавајте да го направите правилно. Секако, кучето има доверба во личноста на која му го изложил стомакот, но…
Сара вели дека друго нешто што мислиме дека кучињата го сакаат е да го галат по стомакот кога ќе се сврти на грб – она што сите го правиме е можеби премногу пресилно за повеќето. Затоа бидете многу нежни и полека допирајте го стомакот на кучето.
