Во време во кое владеат социјалните мрежи и прекрасните фотографии од совршени, фит тела на плажа, сите девојки изгледа дека сакаат поголем задник. Како да го постигнете тоа? Ова е дел од храната која ќе ви помогне.
Веројатно знаете дека освен правилна исхрана, за голем задник е потребно и многу, многу вежбање. Додека вежбате, вашиот задник (како и сите други мускули во телото) поминува низ две фази: фаза на отпор и фаза на оздравување. Првата фаза е всушност самото вежбање со кое се зголемуваат вашите мускули, а втората фаза е сè што се случува по вежбањето, вклучувајќи ја и храната. Храната има клучна улога во здравиот начин на живот и вежбањето, како и во создавањето и одржувањето на мускулната маса. Еве неколку оброци кои мора да ги вметнете во исхраната доколку сакате резултати.
Протеини
Препорачани се минимум 15 до 30 грама протеини дневно. Тие се основата за градење мускули и многу е погрешна замислата дека само бодибилдерите јадат или пијат протеини. Храна полна со протеини е: туна (сите видови на риба), јајца, сирење.
Јаглехидрати
Можеби сте изненадени, но калориите кои доаѓаат од јаглехидратите помагаат при формирање на мускулната маса. Тие треба да се првата состојка на која треба да се фокусирате и да ги внесете во исхраната затоа што најголем дел од енергијата за вежбање доаѓа токму од нив. Консумирајте компири (строго варени или печени), кафен ориз, варена пченка и умерено количество црн леб.
Масти
На телото му се потребни масти, но здрави масти кои ќе ви помогнат да ослабете, како маслиново масло, масло или путер од бадеми и сите други природни масла.
Зеленчук
Зеленчукот содржи многу антиоксиданси и хранливи влакна. Уште една добра работа е тоа што можете да го јадете колку сакате без да се плашите од дебелеење. Кељ, брокули, спанаќ, домати, краставици…изборот е голем.
Секако, нешто што мора да запаметите е дека сите внесени количини на оваа храна треба да се умерени. Не треба да се прејадувате, но не треба ниту да гладувате. Со среќа!
