Дали сте раскинале долгорочна врска, сте се развеле или сте го прекинале пријателството за кое сте биле убедени дека е нераскинливо? Можеби близок член на семејство починал или се соочувате со загуба на домашно милениче со години ви го разубавувало животот?
Сите ние денес живееме во современ свет, некои би рекле површен, чие темпо бара присуство и голем напор за да опстане воопшто. Во ова „лудило“, многумина ја забораваат емоционалната страна на нивното постоење или ги занемаруваат и ги потиснуваат чувствата за да не ги попречуваат во остварувањето на личните цели. Навистина има многу начини на кои нашата душа наоѓа начини да ги надмине болката и страдањето за некој близок, но како рационално да си ја објасниме ирационалната болка и чувството на празнина што нè овзема во такви ситуации?
Дали е тоа само ирационален феномен?
Научниците тврдат дека нашиот мозок ја регистрира емоционалната болка на ист начин како и физичката, што ја објаснува честата манифестација на таа болка на нашето тело. На сите им се познати речениците како „чувствувам дека срцето ќе ми пукне“ или „тој ме прободе во срцето“ и со нив луѓето живописно го опишуваат своето физичко чувство во однос на нивната емоционална состојба. Сигурно е, сепак, дека „скршеното срце“ предизвикува огромна доза на стрес, особено ако загубата била ненадејна, и дека времето потребно за поправка може да варира од недели, месеци или дури години.
Дали љубовта е навистина чиста хемија? Влијание на хормоните
Кога мислиме на овие, во суштина меѓуклеточни гласници, нашата прва асоцијација е адолесцентите и познатиот пубертет. Се разбира, постојат различни хормони и нивните функции, вклучително и оние кои влијаат на заљубувањето. Тие велат дека љубовта создава зависност како дрога, а нашиот мозок „дила“ со хормони како што се допамин (хормон на среќа) или окситоцин (љубовен хормон) кои прават да се чувствуваме среќни и задоволни, сакајќи да го повториме однесувањето што довело до такви емоции. Од друга страна, кога емоционалната врска е прекината, кога нашето срце „се крши“, овие „среќни“ хормони го намалуваат нивното производство, а наместо тоа се лачи кортизол (хормон на стрес). Неговата примарна функција е да ја подигне борбената готовност на нашиот организам, но во прекумерни количини и долгорочно присуство може да нè доведе до контраефект, односно до појава на сите негативни манифестации на нашата психофизичка состојба.
Што вели медицината?
Стресот е всушност предизвикувач за повеќето болести на нашето тело. Постојат теории кои велат дека стресот е основниот предизвикувач на рак, кој се повеќе го јаде нашето општество. Акутниот емоционален стрес, без разлика дали е позитивен или негативен, честопати доведува до реакции во нашето тело. Експертите велат дека левата комора може да падне во состојба слична на парализата, предизвикувајќи симптоми слични на срцев удар. Често, несакани ефекти може да вклучуваат болка во градите, рамената и рацете, отежнато дишење, но и губење на свеста и вртоглавица. Луѓето во овие ситуации имаат чувство на вистински срцев удар, но важно е да се знае дека оваа состојба не остава трајни физички последици како вистински срцев удар.
Најдобар начин да си помогнете при „скршено срце“
Како прво, сите совети одат во насока, да ни овозможат да го почувствуваме и искусиме тоа тешко чувство на болка и страдање. Иако скоро рефлексната реакција ќе биде екстремна, било да е тоа „ослободување од ланецот“ или повлекување и интроспекција, корисно е да се има предвид дека сето ова е всушност во ред и човечко.
Опкружете се со позитивни и насмеани луѓе, кои ќе ве поддржат во тежок личен период. Воведете повеќе здрави навики, ослободете се од стресот и сите тегови што ве притискаат, а потоа чувството да ја прифатите реалноста полека ќе ги зафати вашата душа и ум. Се разбира, не сакајќи да го намалиме нечие страдање, затоа што сите знаеме дека е индивидуално и немртливо, понекогаш едно лице едноставно чувствува огромен недостаток на сила да се справи со ситуацијата. Кога „црнилото“ ќе ги превземе нашите мисли, се случуваат трагични и, пред сè, погрешни одлуки, без лицето да издржало претходно и упорно да бара начин да си помогне. Во овие ситуации, сосема е нормално и препорачливо да се побара стручна помош, и тоа за жал е тема на која сè уште не се посветува доволно внимание во емоционално конзервативните средини како нашата земја.
Модерното време во багажот носи и модерни стресови и проблеми за кои е потребен модерен пристап кон нивно решавање. Комуникацијата е секогаш клучот и ако не верувате или имате близок со кого можете да го „отклучите“ вашиот разговор, не чувствувајте се помалку вредно или слабо. Искреноста е сила од која може да се исцрпи огромната енергија што може да го надмине дури и „скршеното срце“.
