Што точно за вас значи луксузен и скапоцен автомобил? Mercedes, BMW, Bentley или Porsche?
За една дама, ништо од тоа очигледно не било доволно и таа овојпат на луксузот му подарила нов опис и изглед. Дариа Радионова од Лондон ги сака скапите автомобили и Swarovski кристалите, па токму затоа посакала да ги спои овие две свои љубови во едно нешто.
Нејзиниот уникатен Mercedes CLS 350 којшто е украсен со милиони светликави кристали пред некое време исто така ја исполни интернет мрежата.
Но таа судејќи според сè поседува и уште еден светликав и екстрепно скапоцен автомобил, а овојпат се работи за “ненормално” брзиот C63 AMG.
Украсен со мат црна боја, овој автомобил потоа е декориран и со стотина илјади Swarovski кристали чиј што сјај беспрекорно се прекршува, како вистински контраст на црната боја на каросеријата.
Па дури и оние коишто не се љубители на кичот, ќе потврдат дека нејзиниот автомобил е сепак украсен со вкус, а како “шлаг на тортата” е златната боја на рамките на вратите, кочниците и така натаму…
Скапоцениот автомобил на Дариа го снимил Rizz Khan, додека бил на снимање во Обединетото Кралство. Тој за Channel 4 направил и специјална репортажа, Rich Kids of Instagram, а ако се сеќавате, ние на таа тема сме пишувале повеќе пати.
