Еден од најголемите македонски музички амбасадори, маестралниот пијанист Симон Трпчевски, овој месец е резидентен артист на Фестивалот во Марибор, Словенија, каде што публиката ќе има можност да ужива во четири негови концерти, меѓу кои е и вечерта со „МАКЕДОНИСИМО“.
Тој се огласи на својот фејсбук профил и го сподели своето задоволство што токму во тек на овој настан е и неговиот роденден:
„По одличниот концерт во четвртокот (Отворање на сезоната), не можев да имам подобар роденденски подарок – вечерашниот концерт, МАКЕДОНИСИМО со моите драги колеги и пријатели!
Вечерва во 19:30 часот, сабота 18.09.2021, фестивал Марибор, „Дворана Унион“.
Неколку последни подготовки 
Македонската народна музика со својот уникатен пристап!
Одличен начин да се прослави 30-годишнината од независноста на Македонија!“
