Мексиканските гимнастичари се ретка глетка на големите спортски натпреварувања како што се Олимписките игри. Токму затоа сите очи биле вперени во 22-годишната Алекса Морено од Мексико којашто се натпреватуваше во пет дисциплини.
Но гимнастичарката висока 150 сантиметри и тешка само 44 килограми се најде на метата на критиките поради обликот на своето тело коешто драстично се разликува од нејзините колешки од другите земји.
– Ексклузивни фотографии од Алекса Морено на крајот од нејзината гимнастичарска вежба, беше првиот од навредливите коментари на Twitter којшто беше проследен со илустрација од цртаниот филм Пепа Прасе.
A todos los estupidos que critican a #AlexaMoreno por su peso, les dejó este vídeo del Mundial de Gimnasia del 2016!https://t.co/Ry5uuwNgof
— MAX HEREDIA (@maxfreixenet) August 9, 2016
А во уште еден навредлив коментар порачаа дека Алекса има тело на две гимнастичарки и дека пред доаѓањето во Рио требало да се придржува кон некаква диета.
За среќа, негативните коментари на друштвената мрежа Twitter биле реткост помеѓу оние позитивните, а и набрзо биле отстранети од оваа друштвена мрежа.
Обожавателите од Мексико пак потенцираат дека телото на Алекса е компактно и составено од мускули, а дека нејзините успеси се огромни со оглед на фактот дека голем број на млади луѓе завршуваат на улица и се занимаваат со криминал.
#AlexaMoreno you’re talented and making nuestro gente proud w that performance. Don’t listen to those pic.twitter.com/MDTAeMSyth
— fresa de el barrio (@chicxdegallo) August 11, 2016
– Алекса, те сакаме и горди сме што имаме мексиканска гимнастичарка на Олимписките игри. Продолжи да вежбаш, веруваме во тебе, порачаа нејзините навивачи.
