Што да се направи за белата облека да не ја добие онаа грда сивкаста боја и да не пожолтува после многуте перења? Како да се отстранат дамките и да им се врати на работите оној изглед како кога биле купени?
Изненадувачки, но можно е да и` се врати првобитната белина на вашата облека, а се` што ви е потребно е обичен аспирин!
Растворете 5 таблети аспирин од 300 мг во 7 – 8 литри топла вода. Ставете ја облеката во овој раствор и оставете ја да отстои во таа вода преку ноќ. Претходно можете да ги издробите таблетите на ситни парчиња и така побрзо ќе се растворат и поактивно ќе делуваат.
Додадете неколку таблети аспирин директно во вашата машина за перење кога ќе перете долна облека. Ова средство ќе им ја врати првобитната белина на посивените работи.
Ако пред самото перење во машината за перење облеката била претходно потопена во растворот од вода и аспирин, ефектот ќе биде уште посилен!
Оние кои го пробале овој трик велат дека делува подобро од било кој избелувач бидејќи не ја оштетува ткаенината, а притоа ја отстранува целата нечистотија.
